SEMINAR NEI DAWN

Ni 17 February, 2020 (Thawhṭanni) hian ZoRO Ṭhalai buatsaih in Central YMA Hall-ah, "Zo hnam inpumkhatna Seminar" neih a ni dawn.

He seminar-ah hian Prof. Jangkhongam Dougel chu resource  person a ni ang a. Pu L. Ramdinliana Renthlei ZoRO Ṭhalai President bakah Pu R. Sangkawia President ten thu an sawi ang.

He huna tel tur hian, College zirlaite bakah Mizoram chhunga tlawmngai pawl hrang hrangte sawm an ni a. Sawihona hun a awm bawk ang.

Seminar hi Pu Zohmingthanga Zote, Vice President in a kaihruai ang a. Solomon Molsom Treasurer in hunserh a hmang ang.

Kum 2019 atan ZORO Pisa hawn a ni

Vawiin 7 January, 2019 (Thawhtanni) chhun dar 12 khan ZORO Office Treasury Square-ah kum 2019 chhung atan Office hawnna hun hman a ni.

Office hawnna inkhawm ban hnuah Executive Committee neih chhunzawm nghal a ni a, Zo Inpui Session neih chungchang te, Citizenship (Amendment) Bill, 2016 chungchang leh NGO hrang hrang kawmkual chungchangte sawiho a ni.

Zo Inpui Joint Session chu ni 29 January, 2019 hian Vairengte-ah neih tura rel a ni a. Citizenship (Amendment) Bill, 2016 India sorkar laipuiin pass an tum chungchanga MZP/NESO in dodal a tum chungchangah ZORO in thlawpna lehkha siam nise tih a ni bawk.

Hun remchang hmasa berah Mizorama NGO hrang hrangte kawm kual nise, tiin meeting in a rel.

Meeting hi Pu R.Sangkawia President in a kaihruai a, member an kal tha hle.